Hoxe tocounos sesión de matemáticas. Estivemos xogando cos números 1, 2 e 3. Cando se trata de aprender todo vale, así que ante a falta de recursos máis vistosos, utilizamos: folios con números ben grandes para que nos chamen a atención e números de goma eva (estes gústannos moito, pois podemos collelos, tocalos, xiralos, ...).
O primeiro que fixemos foi mirar para os números do chan, e ir pasando por diante deles dicindo o seu nome (porque a todos nos gusta que se acorden de cómo nos chamamos).
Despois veu o máis divertido. Tiñamos que ir á caixa dos números e coller o que nos gustase máis (o 1, o 2 ou o 3). Mirabámolo con atención, diciamos o seu nome e colocabámolo no lugar correspondente no chan (moito ollo, colocándoo ben, porque á profe non lle valía pousalo de calquera maneira...)
E así fomos facendo ata colocar cada número no seu lugar.
Agora só nos quedaba contar obxectos. Decantámosnos por bonecos de papel, que quedaron así colocadiños:
