E CHEGOU O NADAL

Case sen decatarnos xa estamos preparando as actuacións para o festival do Nadal. E antes, claro está, temos que decorar o centro para a ocasión:

-O primeiro foi buscar unhas letras ben chulas para felicitar estas datas.

-Seguindo a tradición non podía faltar unha árbore do Nadal. Como estamos traballando as partes do corpo, atrevédesvos a crear unha árbore utilizando algunha parte? Pois claro!

-Pero unha árbore non é do Nadal se non ten algún bonequiño. Gustounos moito este de Papá Noel:

Mirade o resultado! Gústavos?

E, por último, todos os nenos e nenas que participamos neste blog desexámosvos un BO NADAL!!

CONCEPTOS ESPACIAIS I

Bos días! Hoxe presentamos unha ficha para realizar un repaso xeral dos conceptos espaciais traballados, antes de marchar de vacacións.
Xa veredes que sinxela!

conceptos espaciales by slrey

CLASIFICAR

Esta semana nunha das actividades estivemos repasando vocabulario referido a prendas de vestir e a alimentos.

Moi atentos, e nós soíños, tiñamos que clasificar cada imaxe na categoría correspondente.

Pouco a pouco, fomos colocando cada tarxeta no lugar adecuado.

Foi unha actividade realizada co máximo grado de autonomía (a profe íanos recordando pouco a pouco que tiñamos que estar moi atentos, e pensar se a imaxe se refería a algo de comer ou a algunha prenda de vestir). Pero, ademais de autonomía, outros obxectivos eran a atención (para realizar a actividade correctamente) e o razoamento (porque nós sós tiñamos que decidir en qué lugar colocar cada pictograma).

FIGURAS XEOMÉTRICAS

Hoxe amosámosvos un material realizado por nós (aínda que copiado de algunha idea vista nisto da "rede"). Non podemos dicir o lugar exacto, porque xa fai algún tempo que nos quedou rondando na cabeciña.
Trátase dun pequeno panel no que colocar diferentes figuras xeométricas, que no noso caso utilizamos con dúas finalidades:
1-Aprender o nome das figuras, recoñecelas e diferencialas.
2-Actividade lúdica de descanso e/ou recompensa, xa que nos gusta moito!

Amosamos agora algunhas imaxes:

Qué ben o pasamos!

HOMENAXE

Hoxe, homenaxe a un grande, que nos ensinou que é posible facer deste un MUNDO MELLOR. Tan só hai que QUERER.

LECTURA INICIAL I

Hoxe toca amosar un material realizado coa finalidade de facilitar o inicio na lectura (en lingua castelá).
Está elaborado coas palabras elixidas de forma conxunta entre as profes que estamos a traballar con este alumno:
-Para a lectura coa letra M: "la cama, la mesa, el mimo, la moto y la mula".
-Para a lectura coa letra P: "la sopa, la pera, la pipa, el sapo y el puma".
-Para a lectura coa letra L: "la mula, la leche, la lima, el loro y la luna".

lectura P by slrey

Lectura M by slrey

lectura L by slrey

LEMOS E COMPRENDEMOS

Tanto traballo diario comeza a dar os seus froitos. Pasiño a pasiño imos avanzando nisto da lectura, e así cada vez podemos ler historias máis fermosas.
Así que aquí deixámosvos unhas fichas coas que comezamos a ler de forma comprensiva:

Oraciones Iguales by slrey

comprensión de oraciones by slrey

completar oraciones by slrey

Coa finalidade de facilitar a lectura e a comprensión, neste caso están en lingua castelá, lingua materna da alumna coas que están a ser traballadas.

DÍA DA DISCAPACIDADE

Para conmemorar este día, un conto que con tan pouco me di tanto.