APRENDER FACENDO

Mirar, aínda que necesario, non é suficiente para aprender. Seguindo un conocido dito "Dimo e esquézoo, ensínamo e recórdoo, involúcrame e apréndoo", para unha exitosa interiorización e posterior xeneralización de aprendizaxes, será imprescindible que nenos e nenas FAGAN, que LEVEN Á PRÁCTICA, que EXPERIMENTEN e que EXPRESEN.

E refírome a calquera tipo de aprendizaxe, dende a máis sinxela ata a máis complexa.

Nun primeiro nivel, amoso cómo traballar conceptos básicos de forma manipulativa:

CHEO BALEIRO:
-Con vasos de plástico transparentes, uns cheos e outros baleiros. Pedir que traia un vaso cheo ou baleiro. Aproveitar para traballar o conteo mediante preguntas como: "cantos cheos hai?" ou "cantos baleiros hai?"
-Con pratos, uns cheos de obxectos e outros baleiros. Seguir as mesmas instruccións que cos vasos.
-O mesmos se pode facer con caixas, bolsas, ou calquera recipiente.
*Podemos engadir un plus de motivación enchéndoos con algo que lle atraia ao neno ou nena (bonecos de animais, lacasitos, globos, etc., para utilizar algo disto como reforzo positivo se realiza correctamente a tarefa).

LONGO CURTO:
-Con liñas debuxadas no chan, colocarse encima da curta ou da longa, ou clasificar lápices segundo o seu tamaño. Tamén podemos traballar a numeración, contando cantas liñas ou lápices de cada tipo hai.
-Con tubos de papel hixiénico e de cociña, elaborar un gusano curto e outro longo. Deste xeito, ao mesmo tempo estaremos traballando a motricidade fina, a través de tarefas como colorear (con rotuladores, cores e/ou pinceis), pegar (para adornar o corpo de gusanos con gomets e/ou outras pegatinas), coser (unindo con lá cada parte do gusano),...

ALTO BAIXO:
-Utilizando bonecos altos e baixos. Poñerán nun lado os altos e noutro os baixos, seguindo as instruccións dadas. Se realizan correctamente a tarefa poderán xogar un tempo con eles.
-Clasificar bonecos de cartulina segundo a súa altura. Aproveitar para traballar o conteo ("dame tres bonecos altos", "ahora dous baixos", etc.).

GRANDE PEQUENO:
-Clasificar libros, figuras xeométricas, ceras, etc. segundo o seu tamaño.
-No patio, recoller follas de árbores, para despois na aula clasificalas segundo o tamaño.