OS NOSOS DEREITOS

O 20 de novembro de 1989 a Asamblea Xeral das Nacións Unidas aprobou a Convención sobre os Dereitos do Neno (CDN), na que quedan reflectidas as responsabilidades que governos, nais e pais, mestras e mestres, profesionais da saúde, etc. teñen para garantir que todos os nenos e nenas teñamos unha vida, un crecemento e un desenvolvemento dignos.

Nunca está de máis recordar os nosos dereitos. Aquí vai un diminuto resumo:

-Artigo 1: Os nenos e nenas somos a esperanza do futuro. Por iso ata os 18 anos seguimos sendo nenos e nenas.
-Artigo 2: Aínda que somos diferentes, temos os mesmos dereitos.
-Artigo 3: Dende o momento no que nacemos, todos están obrigados a protexernos para que crezamos sans e felices.
-Artigo 4: Os estados vixiarán para que non nos falte o esencial para vivir dignamente.
-Artigo 5: Cada país debería ser como unha gran familia que protexese os dereitos de nenas e nenos.
-Artigo 6: Todos vixiarán para que cada recén nacido poida crecer nun ambiente seguro e feliz.
-Artigo 7: Temos dereito a un nome, a disfrutar do amor das mamás e papás e a ter unha nacionalidade.
-Artigo 8: Ninguén pode quitarnos as cousas que nos fan sentir seguros e felices.
-Artigo 9: Todos coidarán do neno ou da nena que queda só neste mundo.
-Artigos 10-11: Necesitamos do amor de papá e mamá para ser felices. Por eso estaremos preto dos dous, aínda que eles estean separados.
-Artigo 12: Os nenos e nenas somos libres para expresar a nosa opinión sobre o que queremos e o que non nos gusta.
-Artigo 13: Viva a liberdade de expresión! Temos dereito a comunicarnos e a recibir a información que desexemos.
-Artigo 14: Como somos libres, temos dereito a practicar a relixión e as creencias que desexemos.
-Artigos 15-16: Descubrimos o mundo e divertímosnos con outros nenos e nenas. Aínda que somos pequenos, merecemos un gran respeto.
-Artigos 17-18: Os libros son amigos nosos e necesitámolos para crecer. Cando os nosos pais e as nosas nais traballan, debemos estar debidamente atendidos por persoas responsables.
-Artigos 19-22: Ningún abuso ou maltrato debe magoar a nosa inocencia. Nin un só segundo pode estar unha nena nin un neno abandoado.
-Artigo 23: As nenas e os nenos que máis o precisen, recibirán coidados especiais.
-Artigos 24-25: En caso de enfermidade, proporcionaránsenos os coidados precisos para que volvamos a estar sans e poidamos xogar.
-Artigo 26: Para recuperarse, unha nena ou un neno enfermos precisan de hospitais, medicinas e moito cariño.
-Artigos 27-29: Cando un neno ou unha nena pasa fame e non ten unha casa é difícil crer no futuro. Aprender nos libros e na escola é o único traballo que debemos facer.
-Artigos 30-31: As nenas e nenos cunha lingua distinta á dos demais, teñen dereito a estudala e practicala. E despois do estudo, disfrutaremos do descanso merecido.
-Artigos 32-36: Os únicos traballos que nos están permitidos son estudar, xogar e soñar.
-Artigos 37-38: Cando se encarcela a un neno ou a unha nena, átanse as súas ás. Armas non, nin de xoguete!
-Artigo 39: Os estados están obrigados a prestar unha especial atención ás nenas e nenos que foran maltratados física ou psicoloxicamente, co fin de que volvan ser felices e confiados.

Este resumo foi extraído deste libro:

Nel tamén podemos atopar estes importantes principios!:

Todas as nenas e nenos pedimos agradecidamente que non se esquezan estes dereitos, para nós son moi importantes!