COMEZAMOS!

Mañá voltamos ao cole todas as mestras e mestres de Galicia. Durante estes primeiros días dedicarémonos a argallar e preparar as aventuras que viviremos ao longo de todo o curso, e que por primeira vez teño a sorte de vivir no mesmo centro.

Así que un ano máis compartirei vagón coas mesmas compañeiras, compañeiros, alumnas e alumnos. E isto éncheme de ledicia, porque estes pequenos son os mellores compañeiros de viaxe que podería ter, así que disfrutarei moito desta oportunidade de contar coa súa compañía un ano máis. Aproveitarei para contaxiarme de novo das súas ganas por aprender, por xogar e por demostrar todo o que se pode lograr con esforzo, ilusión e alegría.

En definitiva, atentos todos e todas!, preparen as ás... comezamos a voar!!